«Մտածող երիտասարդություն-ուժեղ տնտեսություն» խորագրով հանրապետական գիտաժողով
Հայաստանի պետական տնտեսագիտական համալսարանի Գյումրու մասնաճյուղը կազմակերպում է «Մտածող երիտասարդություն—ուժեղ տնտեսություն» խորագրով հանրապետական գիտաժողով երիտասարդ հետազոտողների համար:
Գիտաժողովը տեղի կունենա 2023 թվականի մայիսի 12-ին, առկա ձևաչափով:
Գիտաժողովին կարող են մասնակցել ուսանողներ, ասպիրանտներ, հայցորդներ և մինչև 35 տարեկան երիտասարդ հետազոտողներ ՀՀ բուհերից և գիտահետազոտական հաստատություններից:
Գիտաժողովն անցկացվելու է հետևյալ թեմատիկ ուղղություններով՝
- մակրոտնտեսական կայունության և տնտեսական աճի ապահովում,
- տնտեսության ֆինանսական հատվածի զարգացում,
- տեխնոլոգիական առաջընթացի ապահովում տնտեսության մեջ,
- ժողովրդագրություն և սոցիալական հիմնախնդիրներ,
- զբոսաշրջության մենեջմենթ,
- կառավարում և մարքեթինգ։
Գիտաժողովի աշխատանքային լեզուն՝ հայերեն, ռուսերեն, անգլերեն: Զեկուցումների առավելագույն տևողությունը 15 րոպե է:
Գիտաժողովին մասնակցության համար անհրաժեշտ է մինչև 2023 թվականի մարտի 26-ը լրացնել մասնակցության հայտը և spf.asuegb@gmail.com էլ.հասցեին ուղարկել համապատասխան հոդվածները։
Հարցերի դեպքում ՇՊՀ-ի մասնակիցները կարող են դիմել, իսկ մասնակցության դեպքում տեղեկացնել Գիտական քաղաքականության, որակի ապահովման և կառավարման կենտրոն՝ (http://shsu.am/contact-quality/) և ՇՊՀ-ի ՈՒԳԸ՝ (sss@shsu.am):
Մանրամասները՝ հղումով։