«Սյունիքը կրթության և մշակույթի օջախ» խորագրով հանրապետական 2-րդ գիտաժողով
«Սյունիքը կրթության և մշակույթի օջախ» խորագրով հանրապետական 2-րդ
գիտաժողով
Գորիսի պետական համալսարանը 2022 թ․-ի հոկտեմբերի 27-28-ը կազմակերպում է «Սյունիքը կրթության և մշակույթի օջախ» խորագրով հանրապետական 2-րդ գիտաժողովը՝ նվիրված Գորիսի պետական համալսարանի հիմնադրման 55-ամյակին: Գիտաժողովին կարող են մասնակցել Հայաստանի, Արցախի, ինչպես նաև արտասահմանյան գիտակրթական կազմակերպությունների գիտնականները, մասնագետները, ասպիրանտներն ու հայցորդները: Գիտաժողովի ոլորտներն են՝
- պատմություն, մշակութաբանություն,
- բանասիրություն
- հնագիտություն, ազգագրություն,
- մանկավարժական գիտություններ,
- բնական գիտություններ,
- իրավագիտություն, փիլիսոփայություն
- քաղաքագիտություն, տնտեսագիտություն,
- սոցիոլոգիա,
- հոգեբանություն և այլն:
Գիտաժողովի աշխատանքային լեզուներն են՝ հայերեն, ռուսերեն, անգլերեն:
Հոդվածը պետք է համապատասխանի գիտաժողովի խորագրին: Գիտաժողովը կանցկացվի համակցված ձևաչափով (առկա և հեռավար մասնակցությամբ): Գիտաժողովին մասնակցելու համար անհրաժեշտ է conferencegsu55@gmail.com էլ.հասցեին ուղարկել`
- մասնակցության հայտը (ձևը կցվում է)`մինչև 2022թ․-ի սեպտեմբերի 25-ը,
- զեկուցման հիմնադրույթները` մինչև ս.թ հոկտեմբերի 5-ը,
- գիտական ղեկավարի կարծիքը կամ համապատասխան ամբիոնի երաշխավորագիրը (գիտական աստիճան չունեցողների համար):
Կազմկոմիտեի կողմից ընտրված զեկուցումների մասին մասնակիցները կտեղեկացվեն մինչև 2022 թ.-ի հոկտեմբերի 10-ը։ Հոդվածների ներկայացման վերջնաժամկետ՝ 2022 թ.-ի նոյեմբերի 30-ը:
Հարցերի դեպքում ՇՊՀ-ի աշխատակիցները կարող են դիմել, իսկ մասնակցության դեպքում խնդրում ենք տեղեկացնել Գիտական քաղաքականության, որակի ապահովման և կառավարման կենտրոն՝ (http://shsu.am/contact-quality/ , shsu.science@gmail.com ):