ՇՊՀ-ում մեկնարկեցին մասնագիտական կողմնորոշման այցերը
Մասնագիտության ճիշտ և հստակ կողմնորոշումը որակյալ մասնագետ դառնալու հիմնական գրավականներց մեկն է: Այդ հարցում դիմորդներին աջակցելու նպատակով ՇՊՀ-ն պարբերաբար կազմակերպում և անցկացնում է մասնագիտական կողմնորոշման այցեր Գյումրու և Շիրակի մարզի տարբեր համայնքների դպրոցականների համար:
Անցած շաբաթվա ընթացքում համալսարան էին այցելել մարզի Արևիկի, Ղազանչիի, Կապսի, Ամասիայի, ինչպես նաև Գյումրու թիվ 23 միջնակարգ դպրոցների աշակերտները:
Բուհում աշակերտներին ողջունեցին տարբեր կառուցվածքային ստորաբաժանումների ղեկավարներն ու դասախոսները՝ իրենց խոսքում կարևորելով վաղ տարիքում մասնագիտական կողմնորշման և համալսարանական միջավայրին ավելի մոտ լինելու անհրաժեշտությունը:
Ապագա դիմորդները բուհում ծանոթացան թողարկվող մասնագիտություններին, հանդիպեցին դասախոսներին և ուսանողներին:
Հանդիպման ընթացքում մասնակիցներն ստացան իրենց հուզող բոլոր հարցերի պատասխանները: