Շարունակվում են ՇՊՀ-ի պրոֆեսորադասախոսական կազմի վերապատրաստումները «ՄԿԾ-ների բարելավում․ մեխանիզմներ և գործիքակազմ» թեմայով
Վերապատրաստման նյութերի բովանդակությամբ ու ձևաչափով պայմանավորված՝ դրանք կազմակերպվում են նախապես առանձնացված խմբերով։ 1-ին խմբի հետ հանդիպումը կայացավ հունիսի 6-ին, 2-րդ խմբի հետ՝ այսօր՝ հունիսի 7-ին։
Վերապատրաստումների սկզբում ՇՊՀ Ուսումնամեթոդական գործընթացի կառավարման կենտրոնի պրոռեկտոր-տնօրենի ԺՊ Ն․ Ավետիսյանը, ով նաև վերապատրաստման գործընթացի համակարգողն ու վերապատրաստողն է, անդրադարձավ մասնագիտական կրթական ծրագրերի առկա վիճակին, դրանց բարելավման անհրաժեշտությանը, հիմքերին, մեթոդաբանությանը, որից հետո ներկայացրեց 2-րդ օրվա օրակարգային թեմաները`
- ՄԿԾ-ների քարտեզագրում,
- ՄԿԾ-ների վերջնարդյունքների ծածկույթն ապահովող դասընթացների ընտրության չափանիշների ներկայացում,
- Դասընթացի նկարագրիչի ներկայացում, վերջնարդյունքների սահմանում,
- Գործնական առաջադրանքներ։
Վերապատրաստումներն ընթանում են ակտիվ քննարկումներով՝ զուգակցված գործնական աշխատանքներով։
