Մասնագիտական կողմնորոշման հանդիպում Աշոցքի միջնակարգ դպրոցում
2023-24 ուստարվա ընդունելության գործընթացին ընդառաջ` Շիրակի պետական համալսարանի աշխատանքային թիմը հանդիպումների շարք է սկսել մարզի դպրոցներում։
Այսօր կայացավ առաջին հանդիպումն Աշոցքի միջնակարգ դպրոցում՝ Աշոցք խոշորացված համայնքի դպրոցների 11-րդ և 12-րդ դասարանների աշակերտների մասնակցությամբ։
Հանդիպմանը աշխատանքային թիմի անդամները ներկայացրեցին Շիրակի պետական համալսարանի կրթական, հետազոտական և նյութատեխնիկական հնարավորությունները։ Աշակերտները ծանոթացան նաև մասնագիտական ամբիոնների գործունեությանը, թողարկվող մասնագիտություններին։
Կարևորվեց հատկապես 2023-24 ուստարվա ընդունելության նոր կարգի ներկայացումն ու ապագա դիմորդների իրազեկումը հայտագրման փուլերի, քննությունների ցանկի ու անցկացման ժամկետների մասին։
Անդրադարձ կատարվեց նաև համալսարանի սահմանած մատչելի վարձավճարներին և գործող զեղչային ճկուն համակարգին։
Հանդիպման ավարտին բարձր դասարանների աշակերտներն ստացան ընդունելության գործընթացի հետ կապված իրենց հուզող հարցերի պատասխանները։