ԷՐԱԶՄՈՒՍ+ ԱԿԱԴԵՄԻԱԿԱՆ ՇԱՐԺՈՒՆՈՒԹՅԱՆ ԾՐԱԳԻՐ ՅԱՍԻԻ ԱԼԵՔՍԱՆԴՐՈՒ ԻՈԱՆ ԿՈՒԶԱՅԻ ՀԱՄԱԼՍԱՐԱՆՈՒՄ (ՌՈՒՄԻՆԻԱ)
Ռումինիայի Յասիի Ալեքսանդրու Իոան Կուզայի համալսարանը մեկնարկել է 2026-2027 ուստարվա ԷՐԱԶՄՈՒՍ+ ակադեմիական շարժունության ծրագիրը, որի շրջանակներում հրավիրում են ՇՊՀ մեկ աշխատակցի՝ դասավանդելու նպատակով, հետևյալ մասնագիտությունների գծով․
- Կրթություն
- Պատմություն և հնագիտություն
- Լեզուներ
- Սոցիալական և վարքաբանական գիտություններ
- Լրագրություն և ռեպորտաժ
- Բիզնես և կառավարում
- Մաթեմատիկա և վիճակագրություն
- Ճամփորդություն, տուրիզմ և ժամանց։
Աշխատակիցների համար շարժունությունն իրականացվում է 5 օրով:
Ծրագիրը հոգում է բոլոր ֆինանսական ծախսերը:
Հայտադիմումների ընդունման վերջնաժամկետը սույն թվականի հունիսի 10-ն է։
Դիմորդների ընտրությունը կատարվում է մրցույթով, որին մասնակցելու համար անհրաժեշտ է ՇՊՀ արտաքին համագործակցության կենտոն ներկայացնել հետևյալ փաստաթղթերը.
- Անձնագրի պատճեն
- Ինքնակենսագրական (CV)` Europass ձևաչափով
- Մոտիվացիոն նամակ
- Հայտադիմում
- Դասավանդման ծրագիր (նախնական տարբերակ)
- Օտար լեզվի իմացությունը հավաստող փաստաթուղթ
- Շարժունության ընթացքում նախատեսված դասախոսությունների թեմաները։
ՇՊՀ արտաքին համագործակցության կենտրոնը բուհի համապատասխան կառուցվածքային ստորաբաժանումների աշխատակիցների համար, ըստ նրանց հետ համաձայնեցված ժամանակացույցի, կանցկացնի իրազեկող աշխատանքային հանդիպումներ:
Լրացուցիչ տեղեկությունների համար կարող եք դիմել ՇՊՀ արտաքին համագործակցության կենտրոն՝ Բ2-16 սենյակ, ինչպես նաև գրել նամակ shsuinternational@shsu.am էլեկտրոնային հասցեին կամ զանգահարել 077 069 126 հեռախոսահամարին բոլոր աշխատանքային օրերին, ժամը 10:00-17:00-ն: