Միջազգային գիտաժողով. «Աղետների ռիսկի կառավարման արդիական հարցեր»
2019թ-ի նոյեմբերի 12-14-ը Հայաստանի Հանրապետության Արտակարգ իրավիճակների նախարարության Ճգնաժամային կառավարման պետական ակադեմիայում անցկացվելու է «Աղետների ռիսկի կառավարման արդիական հարցեր» խորագրով միջազգային գիտաժողով: Գիտաժողովին ներկայացվող զեկուցումները կներառվեն արտակարգ իրավիճակներից բնակչության պաշտպանության ու քաղաքացիական պաշտպանությանն առնչվող մասնագիտական 3 սեկցիաներում.
- Կառավարում և տնտեսագիտություն,
- Տեխնոլոգիաներ,
- Գիտամեթոդական հիմնախնդիրներ:
Գիտաժողովը նպատակաուղղված է արտակարգ իրավիճակներում բնակչության պաշտպանության և քաղաքացիական պաշտպանության ոլորտի զարգացման հեռանկարներին, աղետների ռիսկի կառավարման արդիական հարցերին, բնածին, տեխնածին, սոցիածին և այլ վտանգներից պաշտպանության հարցերով բնակչության ուսուցմանը, բնակչության շրջանում անվտանգության մշակույթի ձևավորմանն, ինչպես նաև ճգնաժամային կառավարման հիմնախնդիրներին:
Գիտաժողովին մասնակցելու համար անհրաժեշտ է լրացնել մասնակցության հայտ և զեկուցման ամբողջական տարբերակը՝ սկանավորված երաշխավորագրի հետ միասին, ուղարկել ակադեմիայի էլեկտրոնային փոստի հասցեին՝ info@cmsa.am մինչև հոկտեմբերի 15-ը:
Մասնակցության դեպքում խնդրում ենք տեղեկացնել Գիտական քաղաքականության, որակի ապահովման և կառավարման կենտրոն՝ Անի Սահակյանին: