«Հայաստանի համախմբող դերը համաշխարհային մշակույթի տիրույթում» խորագրով միջազգային գիտաժողով ԵՊԿ Գյումրու մասնաճյուղում
ԵՊԿ Գյումրու մասնաճյուղում 2018թ-ի դեկտեմբերի 1-5 տեղի կունենա միջազգային գիտաժողով «Հայաստանի համախմբող դերը համաշխարհային մշակույթի տիրույթում» խորագրով:
Գիտաժողովի նպատակն է՝ համաշխարհային մշակույթի զարգացման արդի միտումների համատեքստում վերհանել Հայաստանի համախմբող դերն ու նշանակությունը, համակողմանի ուսումնասիրել և քննարկել մշակույթի և արվեստի բնագավառներում առկա հիմնախնդիրների լայն շրջանակը:
Գիտական այս ֆորումը շարունակելու և զարգացնելու է Հայաստանի և արտերկրի գիտական, կրթական և մշակութային կենտրոնների միջև մասնագիտական կապերի ամրապնդմանը նպատակադրված ավանդույթները:
Գիտաժողովն ընդգրկում է մշակույթի և արվեստի հետևյալ ոլորտները.
- Երաժշտության տեսություն և պատմություն
- Կատարողական արվեստ
- Ֆոլկլորագիտություն
- Գեղագիտություն և մշակութաբանություն
- Հոգեբանություն
- Լեզու, գրականություն
- Արվեստագիտություն (կերպարվեստ, ճարտարապետություն, թատրոն, կինո)
- Մանկավարժություն
Գիտաժողովի շրջանակներում կկայանան դասական երաժշտության համերգներ, կկազմակերպվեն այցելություններ տարածաշրջանի պատմական և տեսարժան վայրեր:
Գիտաժողովի նյութերը հրապարակվելու են ժողովածուի մեջ:
Մասնակցության հայտերը կարող եք ներկայացնել մինչև սույն թվականի նոյեմբերի 13-ը ՇՊՀ-ի Գիտական քաղաքականության, որակի ապահովման և կառավարման կենտրոն: