ՇՊՀ-ի հիմնադրման 90-ամյակին նվիրված «Կրթության և գիտության արդի հիմնախնդիրները» խորագրով միջազգային գիտաժողով
Հարգելի՛ գործընկերներ,
Սիրով հրավիրում ենք Ձեզ՝ մասնակցելու «Շիրակի Մ. Նալբանդյանի անվան պետական համալսարան» հիմնադրամի (այսուհետ՝ ՇՊՀ) հիմնադրման 90-ամյակին նվիրված «Կրթության և գիտության արդի հիմնախնդիրները» խորագրով միջազգային գիտաժողովին, որը տեղի կունենա 2024թ. հոկտեմբերի 24-25-ը ՇՊՀ-ում:
Գիտաժողովի հիմնական ուղղություններն են՝
- Ֆիզիկամաթեմատիկական գիտություններ
- Կենսաբանական գիտություններ (գյուղատնտեսություն)
- Գիտություններ Երկրի մասին
- Տեխնիկական գիտություններ
- Տնտեսագիտություն
- Պատմական գիտություններ
- Բանասիրական գիտություններ
- Մանկավարժական գիտություններ (այդ թվում՝ դասավանդման մեթոդիկաներ)
- Հոգեբանական գիտություններ
- Արվեստագիտություն
Գիտաժողովի աշխատանքային լեզուներն են՝ հայերեն, ռուսերեն և անգլերենը
Գիտաժողովի անցկացման ձևերն են՝ առկա և հեռավար:
Գիտաժողովին մասնակցելու համար անհրաժեշտ է՝
- մինչև 2024թ. սեպտեմբերի 15-ը առցանց համակարգով լրացնել մասնակցության հայտը՝ պարտադիր կցելով զեկուցմանը համապատասխան հոդվածը՝ ըստ ներկայացվող չափորոշիչների: Ներկայացված հոդվածներից տեխնիկական ստուգման փուլն անցածները կընդգրկվեն գիտաժողովի ծրագրում, ինչի մասին հեղինակները կիրազեկվեն հոդվածները ներկայացնելուց հետո 10 աշխատանքային օրվա ընթացքում: Գրախոսման արդյունքում դրական կարծիքի արժանացած հոդվածները տպագրվելու են ՇՊՀ-ի Գիտական տեղեկագրի հատուկ համարում՝ նվիրված համալսարանի հիմնադրման 90-ամյակին: Սահմանված վերջնաժամկետից հետո ներկայացված հոդվածները չեն դիտարկվի:
- մինչև 2024թ. հոկտեմբերի 1-ը science2023@gmail.com էլեկտրոնային հասցեին ուղարկել զեկուցումներին համապատասխան ցուցադրույթները (Pdf կամ Power Point ձևաչափով), որոնց ներկայացման համար զեկուցողին կտրվի մինչև 15 րոպե ժամանակ:
Սիրով սպասում ենք Ձեր ակտիվ մասնակցությանը:
14/03/2024