Հայոց լեզվի և գրականության ամբիոն

2013թ. ամբիոնի կազմում է նաև լրագրության սեկտորը:

2017թ. հայոց լեզվի և նրա դասավանդման մեթոդիկայի ու հայ գրականության, նրա դասավանդման մեթոդիկայի և լրագրության ամբիոնները կրկին գործում են միասին՝ որպես հայոց լեզվի և գրականության ամբիոն:

2017թ. հունիսից ամբիոնի վարիչի ԺՊ է նշանակվել բ.գ.թ., դոցենտ Ա. Ավագյանը:

Այժմ ՇՊՀ հայոց լեզվի և գրականության ամբիոնն ունի 28 աշխատող. 2 գիտ. դոկ­տոր, 16 դոցենտ, 7 դասախոս:

Ամբիոնի աշխատակիցները տարիներ շարունակ ծավալել են գիտաման­կավարժական ակտիվ գործունեություն, ղեկավարել են գիտական թեմաներ, հեղի­նակ են բազմաթիվ մենագրությունների, որոնք իրենց ծանրակշիռ տեղն ունեն հայ լեզվագիտության և գրականագիտության մեջ, զբաղվում են հայրենագիտության տարբեր բնագավառների` ոճագիտության, հայոց լեզվի պատմության, ժամանա­կակից հայերենի, պատմական քերականության, գրականագիտության, հայոց լեզվի և հայ գրականության դասավանդման մեթոդիկաների հարցերով: Լրագրության ոլորտի լավագույն մասնագետները ոչ միայն դասավանդում են բուհում, այլև զբաղվում են լրագրողական ակտիվ գործունեությամբ: Ամբիոնում է ծնունդ առել հայերենի ոճաբանության բուհական առաջին դասագիրքը:

Ամբիոնը պետական (թեմատիկ) ֆինանսավորմամբ իրականացրել է հայերենի լեզվաոճական քննության գիտական ծրագիր:

Հայոց լեզվի և գրականության ամբիոնը հայ գրողների հետ հետաքրքիր հան­դիպումների, գրական բանավեճերի ու համալսարանում ավանդաբար անցկաց­վող բազմա­թիվ այլ միջոցառումների կազմակերպիչ է, ակտիվ համա­գործակցում է տուն-թան­գարանների, գրողների միության, ստեղծագործական կազմակերպութ­յունների, հանրապետության տարբեր բուհերի հայոց լեզվի և գրականության ամ­բիոն­ների հետ: Գիտական ու մշակութային տարբեր կազմակերպությունների հետ սերտ կա­պերն օգնում են անընդհատ համալրելու ամբիոնի գրադարանը մասնա­գիտական, գեղարվեստական, ուսումնամեթոդական նորագույն գրականութ­յամբ:

Ամբիոնն ակտիվ համագործակցում է հայագիտական մի շարք կենտրոնների՝ ԳԱԱ լեզվի ինստիտուտի, ԳԱԱ գրականության ինստիտուտի, ՀՀ ԳԱԱ Շիրակի հա­յա­գիտական հետազոտությունների կենտրոնի, ԵՊՀ-ի, ՀՊՄՀ-ի, ՎՊՀ-ի հայոց լեզվի և գրականության, լրագրության ամբիոնների հետ:

Այժմ ամբիոնն իր առջև դրել է մի շարք ռազմավարական նպատակներ, որոնցից առաջնային են ՈԱՇ-ի նոր պահանջ­ներին համապատասխան կրթական ծրագրերի վերամշակումը, ամբիոնի դասախոսական կազմի պարբերաբար վերա­պատրաստում­ները, հեռավար ուսուցման հարթակի ներդրմանն ուղղված քաղաքա­կանության մշակումը, մագիստրոսական կրթական ծրագրերում պարտա­դիր և ընտրովի դասընթացների առարկայացանկի վերանայում՝ ժամանակակից գիտութ­յան և աշխատաշուկայի պահանջներին համահունչ, ինչպես նաև համա­գործակցութ­յուն որակի ապահովման կենտրոնի հետ՝ հարցաշարերի և ԷԴՓ-ների վերաբերյալ սոցիալական հարցումների արդյունքների վերլուծության նպատակով, ուսանողների ծավալուն մասնակցության ապահովում գործնական և հետազոտական աշխա­տանքնե­րին, ուսանողական գիտական ընկերությունների կազմակերպած գիտա­ժողով­ներին ուսանողների մասնակցության խրախուսում, նորարարական կրթական տեխնոլոգիաների կիրառմամաբ օրինակելի դասերի կազմակերպում:

Հայոց լեզվի և գրականության ամբիոնը արժանիորեն ճանաչված է հայերենա­գիտության շրջանակներում և հիմնավոր դեր ունի մարզի տարածքում կազմավորվող ավագ դպրոցների համար մայրենիի բարձրակարգ ուսուցիչների վերապատրաս­տումների իրականացման կարևոր գործում, կազմակերպում է նաև գիտական սեմինարներ՝ լեզվաբանությանն ու գրականագիտությանն առնչվող խնդիրների քննարկման, գիտական լուծումների առաջադրման նպատակով՝ նախապես ընտրե­լով թեմաներ և նշելով թիրախային խմբերին: