«Ինչպե՞ս օգտվել Zoom հավելվածից» թեմայով խորհրդատվություն-դասընթացների անցկացման մասին նորություն
COVID-19 համավարակի ընթացքում բուհական կրթության կազմակերպման բարելավման, կրթության շարունակականության ապահովման նպատակով 2020թ.–ի օգոստոսի տասից ՇՊՀ-ի կուրսերի ավագների հետ անցկացվում են բովանդակալից խորհրդատվություն-դասընթացներ՝ «Ինչպե՞ս օգտվել Zoom հավելվածից» թեմայով:
Դասընթացներն անցկացնում է «Գրադարան-ուսումնագիտական խորհրդատվությունների, նորարարությունների և ՏՏ» կենտրոնի տնօրենի տեղակալ, տեղեկատվական տեխնոլոգիաների մասնագետ Գևորգ Ասատրյանը:
Վերջնարդյունքում ՇՊՀ-ի շուրջ հարյուր քսան կուրսերի համար ստեղծվել են zoom-ի հաշիվներ, որտեղ խմբերի տեսքով ներառված են նաև ուսանողները: Կուրսերի համար ստեղծված հաշիվները հնարավորություն են տալիս դասախոսին ընդամենը երկու քայլով տեսակապ հաստատել տվյալ կուրսի բոլոր ուսանողների հետ:
Շնորհակալություն և՛ ավագներին, և՛ դասընթացավարին: