«Սոցիալական շարժընթացի արդի միտումները» խորագրով միջազգային վեբինարների շարք
Նիժնի Նովգորոդի պետական լեզվաբանական համալսարանի միջազգային միջառարկայական գիտական լաբորատորիան 2021 թ.-ի փետրվարի 8-ից 12-ը գիտական փառատոնի շրջանակներում կազմակերպում է «Սոցիալական շարժընթացի արդի միտումները» խորագրով միջազգային վեբինարների շարք: Գիտական վեբինարների նպատակն է աշխարհում տեղի ունեցող բարդ և հակասական սոցիալական գործընթացների ընկալումը:
Վեբինարներին կարող են մասնակցել գիտնականներ, ասպիրանտներ, բակալավրիատի և մագիստրատուրայի ուսանողներ:
Վեբինարները կանցկացվեն առցանց:
Վեբինարի աշխատանքային լեզուներն են՝ ռուսերեն, անգլերեն:
Վեբինարների արդյունքների հիման վրա ցանկացողները կկարողնան իրենց ելույթների նյութերը ռուսերեն կամ անգլերեն լեզուներով տպագրել «Սոցիալական և հումանիտար հետազոտությունների տեխնոլոգիա» ամսագրի նոր փորձնական համարում:
Վեբինարների թեմաները և ժամանակացույցը՝
- Կրոնը, էթնոսը և լրատվամիջոցները ժամանակակից սոցիալական հաղորդակցությունների համակարգում՝ 08.02.2021
- Մարդասիրությունը ժամանակակից կրթական տեխնոլոգիաների հարթակում՝ 09.02.2021
- Մեդիա և համաճարակը.մեդիան COVID-19 համաճարակի ժամանակ՝ 10.02.2021
- Եվրասիական զրույց՝ 11.02.2021
- Հետ-գլոբալ աշխարհում գտնվող քաղաքներ՝ 12.02.2021
Վեբինարի մասնակցության հայտն անհրաժեշտ է ուղարկել մինչև 2021 թ.-ի փետրվարի 5-ը, իսկ թեզիսը՝ 2021 թ.-ի մարտի 5-ը հետևյալ էլեկտրոնային հասցեին ՝ forum_lunn.ru@mail.ru:
Մասնակցության դեպքում խնդրում ենք ՇՊՀ-ի աշխատակիցներին տեղեկացնել Գիտական քաղաքականության, որակի ապահովման և կառավարման կենտրոն՝ (shsu.science@gmail.com):