ԷՐԱԶՄՈՒՍ+ ԱԿԱԴԵՄԻԱԿԱՆ ՇԱՐԺՈՒՆՈՒԹՅԱՆ ԾՐԱԳԻՐ ՌՈՒՄԻՆԻԱՅԻ ՅԱՍԻԻ ԱԼԵՔՍԱՆԴՐՈՒ ԻՈԱՆ ԿՈՒԶԱՅԻ ՀԱՄԱԼՍԱՐԱՆՈՒՄ
Տեղեկացնում ենք, որ վերսկսվում է Էրազմուս+ ակադեմիական շարժունության եվրոպական ծրագրի հայտերի ընդունումը Ռումինիայի Յասիի Ալեքսանդրու Իոան Կուզայի համալսարանում: Ծրագրին կարող են մասնակցել ՇՊՀ բակալավրիատի, մագիստրատուրայի և ասպիրանտուրայի ուսանողները, ինչպես նաև վարչական և դասախոսական կազմը:
Ուսանողների համար շարժունությունն իրականացվում է մեկ կիսամյակով, իսկ վարչական և դասախոսական կազմի համար՝ նվազագույնը 5 օրով:
Ծրագիրը հոգում է բոլոր ֆինանսական ծախսերը:
Ծրագրին մասնակցելու համար դիմել մինչև սույն թվականի նոյեմբերի 23-ը, ժամը` 14:00-ն:
Պահանջվող փաստաթղթերն են.
Ուսանողների շարժունության համար (ուսումնառության, պրակտիկայի)՝
- Անձնագիր/ նույնականացման քարտ,
- Ուսանողի դիմում-հայտ,
- Ուսումնառության պայմանագիր,
- Ակադեմիական տեղեկագիր ուղարկող համալսարանից,
- Լեզվի իմացության վկայական:
Վարչական/դասախոսական կազմի շարժունության համար (դասավանդման, վերապատրաստման)`
- Անձնագիր/ նույնականացման քարտ,
- Ինքնակենսագրություն (CV),
- Տեղեկանք աշխատանքի վայրից,
- Դասավանդման շարժունության պայմանագիր:
Պահանջվող փաստաթղթերի մանրամասն ուսումնասիրման, ուսման տևողության և այլ տեղեկությունների համար կարող եք անցնել հետևյալ հղումներով`
https://www.uaic.ro/en/international/erasmus-programme-with-partner-countries/
Կարևոր է իմանալ՝
Համաձայն Ռումինիայի ազգային գործակալության ու Եվրահանձնաժողովի վերջին առաջարկությունների, մասնակիցներն իրավունք ունեն ստանալու Էրազմուս+ դրամաշնորհ, եթե նրանք ֆիզիկապես մեկնում են ընդունող համալսարան, նույնիսկ եթե դասընթացներն այնտեղ անցկացվում են առցանց կամ լսարանային պարապմունքների համադրման խառը ձևաչափով:
Դիմում-հայտերը լրացնելու համար կարող եք դիմել էլեկտրոնային տարբերակով, աշխատանքային բոլոր օրերին՝ shsuinternational@shsu.am և shsu.shsu@mail.ru էլեկտրոնային հասցեներին, իսկ երկուշաբթի և հինգշաբթի օրերին՝ ՇՊՀ արտաքին համագործակցության և հասարակայնության հետ կապերի կենտրոն` Բ2-12 սենյակ, ժամը 11:00-14:00:
Հարցերի դեպքում զանգահարել 077069126, 093853706 հեռախոսահամարներով: