Ավարտական վկայագրեր ստացան Բնագիտամաթեմատիկական և Հումանիտար գիտությունների ֆակուլտետների շրջանավարտները

Այսօր Շիրակի պետական համալսարանում տեղի ունեցավ Բնագիտամաթեմատիկական և Հումանիտար գիտությունների ֆակուլտետների  բակալավրի և մագիստրոսի կրթական ծրագրերի շրջանավարտների ավարտական վկայականների հանձնման արարողությունը։

Այս հիշարժան օրվա կապակցությամբ շրջանավարտներին ջերմորեն շնորհավորեցին և բարի երթ  մաղթեցին ՇՊՀ-ի ռեկտոր Ե․ Սերոբյանը, Ուսումնամեթոդական գործընթացի կառավարման կենտրոնի պրոռեկտոր-տնօրենի ԺՊ Ն․ Ավետիսյանը, ֆակուլտետների դեկաններ Լ․ Մարտիրոսյանը և Ա․ Գարեգինյանը։

Առաջինը դիպլոմներ ստացան Բնագիտամաթեմատիկական ֆակուլտետի 129 շրջանավարտ՝ 87 բակալավր, 42 մագիստրատրոս։

«Լավագույն շրջանավարտ» տիտղոսին արժանացած շրջանավարտներ Լիլիա Հովհաննիսյանին (Բնագիտամաթեմատիկական ֆակուլտետ) և Վարդուհի Մուրազյանին (Հումանիտար գիտությունների ֆակուլտետ) պատվոգրեր և ավարտական վկայականներ հանձնեց ՇՊՀ-ի ռեկտոր Ե․ Սերոբյանը։