«Ֆիզիկայի, մաթեմատիկայի և մասնագիտական առարկաների դասավանդման նորարարական տեխնոլոգիաները» խորագրով միջազգային XIII գիտագործնական առցանց գիտաժողով
Բելառուսի Մոզիրի պետական մանկավարժական համալսարանը 2021 թ.-ի մարտի 25-ից 26-ը կազմակերպում է «Ֆիզիկայի, մաթեմատիկայի և մասնագիտական առարկաների դասավանդման նորարարական տեխնոլոգիաները» խորագրով միջազգային XIII գիտագործնական առցանց գիտաժողով։
Գիտաժողովի ուղղություններն են՝
- բարձրագույն ուսումնական հաստատություններում ֆիզիկա և մաթեմատիկա առարկաների դասավանդման մեջ նորարական տեխնոլոգիաների օգտագործման փորձը և հեռանկարները,
- ընդհանուր միջնակարգ կրթական հաստատություններում մաթեմատիկայի, ֆիզիկայի, համակարգչային գիտությանն առնչվող առարկաների դասավանդման նորարարական տեխնոլոգիաները,
- ընդհանուր տեխնիկական և հատուկ առարկաների դասավանդման ժամանակակից մոտեցումները միջին մասնագիտական և բարձրագույն կրթական հաստատություններում,
- ֆիզիկայի, մաթեմատիկայի և համակարգչային գիտությունների բնագավառում գիտական հետազոտությունների արդիական խնդիրները,
- ֆիզիկական համակարգերում, գործընթացներում և երևույթներում մաթեմատիկական և համակարգչային մոդելավորում։
Գիտաժողովի աշխատանքային լեզուներն են՝ բելառուսերեն, ռուսերեն, անգլերեն։
Գիտաժողովին մասնակցելու համար անհրաժեշտ է մինչ 2021 թ.-ի մարտի 5-ը ուղարկել հայտը, զեկույցը և մասնակցության վճարման կտրոնը հետևյալ էլեկտրոնային հասցեին՝ fm-mgpu@tut.by։
Մասնակցության դեպքում խնդրում ենք ՇՊՀ-ի աշխատակիցներին տեղեկացնել Գիտական քաղաքականության, որակի ապահովման և կառավարման կենտրոն՝ (shsu.science@gmail.com):