2024-2025 ուստարվա շրջանավարտների դիպլոմների հանձնման հանդիսավոր արարողությունը ՇՊՀ-ում
Տոնական վառ և ուրախ մթնոլորտում Շիրակի պետական համալսարանում տեղի ունեցավ 2024-2025 ուսումնական տարվա շրջանավարտների դիպլոմների հանձնման հանդիսավոր արարողությունը։
Այս հիշարժան օրվա կապակցությամբ շրջանավարտներին ջերմորեն շնորհավորեց և բարի երթ մաղթեց ՇՊՀ-ի ռեկտոր Երվանդ Սերոբյանը: Նա ավարտական վկայականներ, պատվոգրեր և համալսարանի 90-ամյակին նվիրված հոբելյանական գիրքը հանձնեց «Լավագույն շրջանավարտ» տիտղոսին արժանացած շրջանավարտներին:
Տոնական օրը եզրափակվեց համալսարանի բակում կազմակերպված երաժշտական երեկույթով և հրավառությամբ։