«Օլիմպիական կրթության ներկայիս հիմնահարցերը հանրակրթական դպրոցներում» թեմայով գիտական սեմինար ՇՊՀ-ում

Սեմինարի նպատակն էր վերլուծել օլիմպիական կրթության դերը դպրոցական կրթական համակարգում, բացահայտել առկա հիմնախնդիրները և առաջարկել բարելավման ուղիներ։

 Գ. Աղանյանը ներկայացրեց օլիմպիական կրթության գաղափարախոսությունը և հիմնական սկզբունքները, անդրադարձավ հանրակրթական դպրոցներում այդ հարցերին առնչվող առկա խնդիրներին։ Նա նաև խոսեց ժամանակակից օլիմպիական խաղերի հիմնադիր Պիեռ դը Կուբերտենի ուսմունքի և դրա՝ կրթական համակարգի վրա ունեցած ազդեցության մասին՝ շեշտելով այդ գաղափարների արդիականությունն ու կարևորությունը դպրոցահասակ երեխաների դաստիարակության գործում։

 Այնուհետև «Ֆիզիկական դաստիարակություն և սպորտային մարզումներ» մասնագիտության 2024-2025 ուստարվա մագիստրատուրայի շրջանավարտ Մելինե Գալոյանը ներկայացրեց իր կողմից իրականացված հետազոտության արդյունքները, որոնք վերաբերում էին հանրակրթական դպրոցներում առկա օլիմպիական կրթության ներկայիս հիմանահարցերին։

 Սեմինարն ավարտին տեղի ունեցավ քննարկում և հարցուպատասխան։