ՇՊՀ-ում էր Շիրակի մարզպետը

 ՇՊՀ ռեկտոր Երվանդ Սերոբյանը, ողջունելով հյուրերին, շնորհակալություն հայտնեց այցի և նախաձեռնության համար՝ ընդգծելով նման ձևաչափի շփումների կարևորությունը։

 Մարզպետ Դավիթ Առուշանյանը նշեց, որ երիտասարդների հետ հանդիպումների շարքը ցանկացել է սկսել իր հարազատ բուհից։ Նա ուսանողներին կոչ արեց լինել անկեղծ և անկաշկանդ՝ ընդգծելով, որ հանդիպումն անցկացվում է ազատ ձևաչափով՝ նպատակ ունենալով լսել ուսանողներին, պարզել նրանց հուզող հարցերն ու մտահոգությունները, ինչպես նաև բացահայտել առկա կարիքները։

 Հանդիպումն անցավ հարցուպատասխանի, ակտիվ և կառուցողական քննարկման մթնոլորտում։