Տեղեկատվական հանդիպում՝ պրակտիկային ընդառաջ
Այսօր Շիրակի պետական համալսարանում տեղի ունեցավ տեղեկատվական հանդիպում՝ բակալավրի առկա ուսուցման 4-րդ կուրսերի ուսանողների համար։
Ուսանողներին ողջունեցին և հաջողություններ մաղթեցին Ուսումնամեթոդական գործընթացի կառավարման կենտրոնի պրոռեկտոր-տնօրենի ՊԿ Անահիտ Վալեսյանը և Ուսանողների աջակցության, բուհ-գործատու համագործակցության բաժնի պետ Վահրամ Էլոյանը։
Պրակտիկայի պատասխանատու Ինեսսա Գալստյանն ուսանողներին ներկայացրեց․
- պրակտիկայի նպատակը, խնդիրները և ընթացակարգը,
- կազմակերպման և գնահատման կարգը,
- մեթոդիստի հետ աշխատանքի և պրակտիկայի օրագրի լրացման առանձնահատկությունները,
- պրակտիկանտի իրավունքներն ու պարտականությունները։
Ուսանողների մանկավարժական, արտադրական և ուսումնական պրակտիկաներն իրականացվելու են սեպտեմբերի 15-ից հոկտեմբերի 17-ը ներառյալ։
