Բաց դաս՝ ՇՊՀ-ում

ՇՊՀ-ի Հումանիտար գիտությունների ֆակուլտետում տեղի ունեցավ բաց դաս՝ նվիրված ռուսերենի՝ որպես օտար լեզվի դասավանդման արդի միտումներին: Բանախոսն էր Օտար լեզուների և գրականության ամբիոնի դոցենտ Օֆիկ Մկրտչյանը։

Բաց դասի ընթացքում Օֆ․ Մկրտչյանն անդրադարձավ ռուսաց լեզվի դասավանդման հարցերին, ներկայացրեց 19-րդ դարի՝ ռուս գրականության  «Ոսկեդարի» գրողների կյանքն ու ստեղծագործական գործունեությունը, օտար լեզվի դասավանդման գործում կարևորեց մշակութային գործոնը, քանի որ ռուսաց լեզվի իմացությունը դուռ է բացում դեպի Ռուսաստանի հարուստ մշակույթ և պատմություն, ինչպես նաև նպաստում է տարբեր երկրների և մշակույթների ներկայացուցիչների միջև երկխոսության հաստատմանը։

Բաց դասի ավարտին ուսանողներն ընթերցեցին ռուսաց լեզվին նվիրված բանաստեղծություններ։