2025-2026 ուստարվա ՇՊՀ հիմնադրամի ուսանողների՝ ներբուհական և բուհից բուհ տեղափոխությունների մասին
«Շիրակի Մ.Նալբանդյանի անվան պետական համալսարան» հիմնադրամի ուսանողների՝ ներբուհական և բուհից բուհ տեղափոխությունների մասին
Հիմք ընդունելով «Բարձրագույն ուսումնական հաստատություններում սովորողների ակադեմիական շարժունության» կարգի /ՀՀ կառավարության 2011թվականի օգոստոսի 25-ի թիվ 1240-Ն որոշում/ դրույթների պահանջները՝ «Շիրակի Մ.Նալբանդյանի անվան պետական համալսարան» հիմնադրամը ներբուհական (առկա բաժիններից`հեռակա, հեռակա բաժիններից` առկա) և ՀՀ/օտարերկրյա բուհերից հիմնադրամի առկա համակարգ ուսանողների տեղափոխության մասին 2025-2026 ուստարվա 2-րդ կիսամյակի դիմումներն ընդունում է 2026 թվականի հունվարի 29-ից փետրվարի 20-ը ներառյալ` ՇՊՀ-ի Ուսումնամեթոդական գործընթացի կառավարման կենտրոնում (հասցե՝ք.Գյումրի, Պ.Սևակի 4, գլխավոր մասնաշենք, Ե2-4 սենյակ), իսկ առցանց դիմումներն ընդունվում են info@shsu.am էլեկտրոնային հասցեով:
Դիմումի հետ անհրաժեշտ է ներկայացնել հետևյալ փաստաթղթերը՝
- անձնագրի պատճենը,
- ակադեմիական տեղեկանքը,
- տեղեկանք ուսումնառած բուհից (բուհից բուհ տեղափոխության ժամանակ),
- զինվորական ծառայության մասին փաստաթուղթը (ըստ անհրաժեշտության):
Ուսումնամեթոդական գործընթացի կառավարման կենտրոն
(0312) 2-77-70