ՇՊՀ-ի ռեկտոր Երվանդ Սերոբյանի ուղերձը Ապրիլի 7-ի առթիվ

Սիրելի՛  մայրեր, քույրեր և աղջիկներ,

Սրտանց շնորհավորում եմ ձեզ գարնանային  այս գեղեցիկ տոնի՝ Մայրության և գեղեցկության օրվա առթիվ:

Հայ օջախի կերտման ու կայացման պատասխանատու գործը ձեր ուսերին կրելով՝ դուք կրթում և դաստիարակում եք սերունդներ, դուք հոգատարությամբ ու ջերմությամբ ապահովում եք ընտանիքի ամրությունը՝ նաև ազգապահպանության կարևոր դեր կատարելով: Հիրավի, արդիական է Մեծ Լոռեցու խոսքը. «Ամենից առաջ ու ամենից բարձր՝ մայրն է, որ պետք է դաստիարակե ժողովուրդը»։

Շնորհակալություն ձեր անսահման նվիրման ու հոգատարության  համար:

Կրկին շնորհավորելով՝ ձեզ եմ նվիրում  Շիրազյան այս տողերը.

Մեր տան ճրագն է մայրս,

Մեր արեգակն է մայրս:

Մայրս, մեր հացն է մայրս,

Մեր տան Աստվածն է մայրս։

Շնորհավո՛ր Ապրիլի 7: