Հեծանվային արշավ՝ ՇՊՀ ուսանողների մասնակցությամբ
Հոկտեմբերի 11-ին Շիրակի պետական համալսարանի ուսանողների մասնակցությամբ տեղի կունենա հեծանվային արշավ՝ ՇՊՀ – Մայիսյան – Հովունի-ՇՊՀ երթուղով։
Արշավի նպատակն է երիտասարդների շրջանում խթանել առողջ ապրելակերպը և բարձրացնել ֆիզիկական ակտիվության մակարդակը։
Այսօր Սպորտի և արվեստի ամբիոնի վարիչ Գ․ Աղանյանը և «Հեծանվային սպորտ» առարկայի դասախոս Կ․ Արամյանը նախապատրաստական հանդիպում անցկացրին արշավի մասնակիցների հետ։
Հանդիպման ընթացքում Կ․ Արամյանը սահիկաշարի միջոցով ներկայացրեց հետևյալ թեմաները․
- Ինչ է հեծանվասպորտը
- Հեծանվավարումն ու հեծանիվի խնամքը
- Վարքագիծը հեծանվային արշավի ընթացքում
- Անվտանգության կանոնները հեծանիվ վարելիս և արշավի ընթացքում
- Ինչպես պատրաստվել հեծանվային արշավին։