ԷՐԱԶՄՈՒՍ+ ԱԿԱԴԵՄԻԱԿԱՆ ՇԱՐԺՈՒՆՈՒԹՅԱՆ ԾՐԱԳԻՐ ԳՐԱՆԱԴԱՅԻ ՀԱՄԱԼՍԱՐԱՆՈՒՄ
Իսպանիայի Գրանադայի համալսարանը մեկնարկել է 2025-2026 ուստարվա ԷՐԱԶՄՈՒՍ+ ակադեմիական շարժունության ծրագիրը, որին կարող են մասնակցել ՇՊՀ-ի պրոֆեսորադասախոսական կազմի ներկայացուցիչները՝ Գրանադայի համալսարանում առկա համապատասխան մասնագիտությունների գծով (անգլերեն լեզու և գրականություն, թարգմանչական գործ, ֆրանսերեն լեզու և գրականություն, տարրական մանկավարժություն, տնտեսագիտություն, մաթեմատիկա, ֆիզիկա և մաթեմատիկա) դասավանդելու համար, ինչպես նաև վարչական աշխատակիցները՝ Գրանադայի համալսարանի համապատասխան կառուցվածքային ստորաբաժանումներում վերապատրաստում անցնելու կամ միջազգային շաբաթին մասնակցելու նպատակով: Գրանադայի համալսարանի մասնագիտությունների ցանկին և կառուցվածքային ստորաբաժանումներին կարելի է ծանոթանալ հետևյալ հղումներով՝ https://ugrcat.ugr.es/en/, https://www.ugr.es/en:
Շարժունությունն իրականացվում է 5 աշխատանքային օրով, երկու տարբերակով.
Ակադեմիական շարժունություն, որի ժամանակ մասնակիցը հյուրընկալող համալսարանում միայն պետք է դասավանդի 8 ժամ։
- Ակադեմիական շարժունություն, որը նախատեսում է մասնակցություն միայն վերապատրաստման աշխատանքներին, ինչպիսիք են.
ա) կառուցվածաքյին համապատասխան ստորաբաժանումներում անցկացվող աշխատանքային հանդիպում-քննարկումները, լաբորատոր աշխատանքը, բենչմարկինգը,
բ) մասնակցություն միջազգային շաբաթի աշխատանքներին, որոնք անցկացվելու են 2026 թվականի մարտի 16-ից 20-ը: Մասնակցելու համար անհրաժեշտ է գրանցվել հետևյալ հղումով — https://forms.gle/yjC6JJxRZPHXws8D7:
գ) մասնակցություն միջազգային շաբաթի աշխատանքներին, որոնք անցկացվելու են 2026 թվականի մայիսի 11-ից 15-ը: Մասնակցելու համար անհրաժեշտ է գրանցվել հետևյալ հղումով — https://forms.gle/BN7CaztiT1kuEQ6S9:
Վերապատրաստման մասնակիցը պետք է ընտրի վերոնշյալ տարբերակներից միայն մեկը:
Դիմորդների ընտրությունը կատարվում է մրցույթով, որին մասնակցելու համար անհրաժեշտ է ՇՊՀ արտաքին համագործակցության կենտրոն ներկայացնել հետևյալ փաստաթղթերը.
- Անձնագրի պատճեն,
- Ինքնակենսագրական (CV)` Europass ձևաչափով,
- Մոտիվացիոն նամակ,
- Հայտադիմում,
- Դասավանդման/վերապատրաստման համաձայնագիր (նախնական տարբերակ),
- Օտար լեզվի իմացությունը հավաստող փաստաթուղթ,
- Շարժունության ընթացքում նախատեսված դասախոսությունների թեմաները (դասավանդման դեպքում)։
Ծրագիրը հոգում է բոլոր ֆինանսական ծախսերը:
Հայտադիմումների ընդունման վերջնաժամկետը՝ սույն թվականի դեկտեմբերի 15-ը ներառյալ։
Ավելի մանրամասն տեղեկատվությանը կարող եք ծանոթանալ հետևյալ հղումներով՝
- https://internacional.ugr.es/en/staff/mobility-opportunities/academic-staff?lang=en
- https://intl.ugr.es/docs/KA107/KA107_proySEPIE/KA107_proySEPIE_2024-1-ES01-KA171-HED-000220996_infopartner_en.pdf?1758112921
- https://internacional.ugr.es/en/about/about#title2
#ՇՊՀ արտաքին համագործակցության կենտրոնը բուհի բոլոր կառուցվածքային ստորաբաժանումների աշխատակիցների համար, ըստ նրանց հետ համաձայնեցված ժամանակացույցի, կանցկացնի իրազեկող աշխատանքային հանդիպումներ:
Լրացուցիչ տեղեկությունների համար բոլոր աշխատանքային օրերին, ժամը 10:00-17:00-ն կարող եք դիմել ՇՊՀ արտաքին համագործակցության կենտրոն՝ Բ2-16 սենյակ, ինչպես նաև գրել նամակ shsuinternational@shsu.am էլեկտրոնային հասցեին կամ զանգահարել 077 069 126 հեռախոսահամարին: