«Ախուրյան գետի Ջրաձոր գյուղի հատվածի դենդրոբազմազանությունը» թեմայով գիտական սեմինար ՇՊՀ-ում
ՇՊՀ-ի Բնագիտամաթեմատիկական ֆակուլտետում տեղի ունեցավ «Կենսաբանություն և քիմիա» ու «Աշխարհագրություն և սերվիս» ամբիոնների հերթական համատեղ գիտական սեմինարը, որը նվիրված էր Ախուրյան գետի հովտի Ջրաձոր գյուղին հարակից մի հատվածի դենդրոբազմազանության (ծառաբույսերի բազմազանության) ուսումնասիրությանը։
Թեման ներկայացրեցին Կենսաբանության և քիմիայի ամբիոնի դոցենտ Անուշ Խաչատրյանն ու Աշխարհագրության և սերվիսի ամբիոնի ասպիրանտ Քաջիկ Հարությունյանը։
Ըստ բանախոսների՝ տարածքի հետազոտության արդյունքում ուսումնասիրվել են տեղանքում աճող ծառաբույսերի տեսակները, իրականացվել է տեսակային կազմի առատության գնահատում, ինչպես նաև առաջին անգամ կազմվել է մանրամասն քարտեզ՝ հետագա մշտադիտարկման և կառուցվող ջրամբարի ազդեցության ուսումնասիրությունների համար։
Նշենք, որ հետազոտությունն անցկացվել է ԲԿԳԿ ֆինանսական աջակցությամբ՝ 25RG-1F059 գիտական թեմայի շրջանակներում: