«Աղետների հոգեբանություն» խորագրով միջազգային գիտաժողով
2020 թվականի ապրիլի 22-23-ը Ճգնաժամային կառավարման պետական ակադեմիայում կազմակերպվում է միջազգային գիտաժողով` նվիրված աղետների հոգեբանության, արտակարգ իրավիճակներում հոգեբանական կայունության, հետաղետային հոգեբանական վերականգնողական, սթրեսային հակազդումների, հոգեբանական ազդեցություններին դիմակայելու համար ուսուցման, իրազեկման և դրանց հետ կապված գործընթացների տեսական ու գիտական ուղղությունների կառավարման, զարգացման և մեթոդաբանական հիմնախնդիրներին:
Գիտաժողովին մասնակցելու համար անհրաժեշտ է մինչև սույն թվականի մարտի 10-ը լրացնել մասնակցության հայտը, ներկայացվող զեկուցման ամբողջական տարբերակը և սկանավորված հրատարակման երաշխավորագիրը ուղարկել conference@cmsa.am էլեկտրոնային փոստի հասցեին:
Գիտաժողովում ներկայացված զեկուցումները կտպագրվեն ակադեմիայի «Ճգնաժամային կառավարում և տեխնոլոգիաներ» գիտական հանդեսի հերթական համարում:
Մասնակցության դեպքում խնդրում ենք տեղեկացնել Գիտական քաղաքականության, որակի ապահովման և կառավարման կենտրոն՝ Անի Սահակյանին: