ՇՊՀ-ում կայանալիք հանրապետական ուսանողական գիտաժողովը հետաձգվում է
Հաշվի առնելով ՀՀ-ում տիրող իրավիճակը և արտակարգ դրության ռեժիմի անցնելու հանգամանքը՝ 2020թ.-ի ապրիլի 28-ին Շիրակի պետական համալսարանում կայանալիք հանրապետական ուսանողական գիտաժողովը հետաձգվում է։
Մասնակցության հայտերին և զեկուցումներին համապատասխան հոդվածների ներկայացման վերջնաժամկետը հետաձգվում է մինչև ապրիլի 15-ը։
Գիտաժողովի օրվա վերաբերյալ կլինի առանձին հաղորդում։
Հիշեցնենք նաև, որ գիտաժողովի հիմնական ուղղություններն են՝
- ֆիզիկամաթեմատիկական գիտություններ և տեղեկատվական տեխնոլոգիաներ
- բնագիտություն և աշխարհագրություն
- հայոց լեզու և գրականություն
- օտար լեզուներ և գրականություն
- պատմություն, իրավագիտություն, քաղաքագիտություն
- տնտեսագիտություն
- մանկավարժություն, հոգեբանություն և սոցիալական աշխատանք
- մշակույթ և սպորտ
- ռազմագիտություն
Գիտաժողովին կարող են մասնակցել բակալավրի, մագիստրատուրայի և հետոզոտողի կրթական ծրագրերում սովորող ուսանողներ:
Գիտաժողովի աշխատանքային լեզուներն են՝ հայերենը, ռուսերենը և անգլերենը:
Գիտաժողովին առկա կամ հեռակա մասնակցելու համար անհրաժեշտ է մինչև 2020թ.-ի ապրիլի 15—ը լրացնել մասնակցության հայտը, ինչպես նաև sss@shsu.am էլեկտրոնային հասցեին ուղարկել զեկուցումներին համապատասխան հոդվածները՝ ըստ ներկայացվող չափորոշիչների։
Մանրամասների համար զանգահարել՝ 098-18-37-30 հեռախոսահամարով։
Ներկայացված հոդվածները ենթարկվելու են գրախոսման և տպագրվելու են առանձին նյութերի ժողովածուում։ Զեկուցման ընթացքում բաժանմունքի նախագահի կողմից առանձնացված հոդվածները ըստ ներկայացվող չափորոշիչների կարող են ներկայացվել տպագրության ՇՊՀ-ի Գիտական տեղեկագրում։
Սիրով սպասում ենք Ձեր ակտիվ մասնակցությանը:
Հարգանքով՝
Գիտաժողովի կազմհանձնաժողով