Գիտաժողովի հայտարարություն
ՀԱՆՐԱՊԵՏԱԿԱՆ ՈՒՍԱՆՈՂԱԿԱՆ ԳԻՏԱԺՈՂՈՎ ՀՀ, ԳՅՈՒՄՐԻ, ՇԻՐԱԿԻ ՊԵՏԱԿԱՆ ՀԱՄԱԼՍԱՐԱՆ
Հաշվի առնելով ՀՀ-ում տիրող իրավիճակը և արտակարգ դրության ռեժիմին անցնելու հանգամանքը՝ 2020թ.-ի ապրիլի 28-ին Շիրակի պետական համալսարանում կայանալիք հանրապետական ուսանողական գիտաժողովը տեղի կունենա սույն թվականի սեպտեմբերի 29-ին հեռավար կարգով։
Մասնակցության հայտերի և զեկուցումներին համապատասխան հոդվածների ընդունման ժամանակահատվածը երկարաձվել է մինչ սույն թվականի հուլիսի 10-ը։
Հիշեցնենք նաև, որ գիտաժողովի հիմնական ուղղություններն են՝
- Ֆիզիկամաթեմատիկական գիտություններ և տեղեկատվական տեխնոլոգիաներ
- բնագիտություն և աշխարհագրություն
- հայոց լեզու և գրականություն
- օտար լեզուներ և գրականություն
- պատմություն, իրավագիտություն, քաղաքագիտություն
- տնտեսագիտություն
- մանկավարժություն, հոգեբանություն և սոցիալական աշխատանք
- մշակույթ և սպորտ
- ռազմագիտություն
Գիտաժողովին կարող են մասնակցել բակալավրի, մագիստրատուրայի և հետազոտողի կրթական ծրագրերում սովորող ուսանողներ:
Գիտաժողովի աշխատանքային լեզուներն են հայերենը, ռուսերենը և անգլերենը:
Գիտաժողովին մասնակցելու համար անհրաժեշտ է լրացնել մասնակցության հայտը, ինչպես նաև sss@shsu.am էլեկտրոնային հասցեին ուղարկել զեկուցումներին համապատասխան հոդվածները՝ ըստ ներկայացվող չափորոշիչների։
Մանրամասների համար զանգահարել 098-18-37-30 հեռախոսահամարով։
Ներկայացված հոդվածները ենթարկվելու են գրախոսման և տպագրվելու են առանձին նյութերի ժողովածուում։ Զեկուցման ընթացքում բաժանմունքի նախագահի կողմից առանձնացված հոդվածները, ըստ ներկայացվող չափորոշիչների, կարող են ներկայացվել տպագրության ՇՊՀ-ի Գիտական տեղեկագրում։
Սիրով սպասում ենք Ձեր ակտիվ մասնակցությանը:
Հարգանքներով՝
Գիտաժողովի կազմհանձնաժողով