Հոգեբանության, սոցիոլոգիայի և սոցիալական աշխատանքի ամբիոնը Շիրակի պետական համալսարանի ենթակառուցվածքներից է, որն իրականացնում է ուսումնական, մեթոդական և գիտահետազոտական գործունեություն, ինչպես նաև՝ հոգեբանական խորհրդատվության կազմակերպում։
Ամբիոնի գործունեության ուղեծիրը ընդգրկում է գիտության, կրթության ու պրակտիկայի ոլորտը։ Արդիականացնել բակալավրիատի և մագիստրատուրայի ուսումնական պլաններն ու առարկայական ծրագրերը՝ ներառյալ դասավանդման և գնահատման մեթոդաբանությունը, դասընթացների բովանդակությունը, արդիական ուսումնական նյութերի ու մոտեցումների կիրառումը։ Պարբերաբար իրականացնել կրթական ծրագրերի որակի գնահատումը, դասավանդման որակը համապատասխանեցնել մասնագիտության և գիտության զարգացման համաշխարհային միտումներին, ապահովել հոգեբանության, սոցիոլոգիայի, սոցիալական աշխատանքի և հասարակության հետ կապերի բնագավառներում արտերկրի առաջատար բուհերի հետ մրցակցության ապահովման հնարավորությունները։ Մեր սկզբունքն է ապահովել այնքան կրթություն, որքան և գիտություն։
Ամբիոնը հատկապես ուշադրություն է դարձնում երիտասարդ դասախոսների հարմարման գործընթացին՝ խրախուսելով ու ապահովելով բարենպաստ աշխատանքային պայմաններ։ Վաղվա դասախոսի ամբիոնը պետք է լինի կանխատեսող՝ մասնագիտական կոմպետենտության հենքով։
Հոգեբանության, սոցիոլոգիայի և սոցիալական աշխատանքի ամբիոնը համալրված է գիտամանկավարժական բարձր որակավորում ունեցող դասախոսներով․ պրոֆեսորադասախոսական կազմ – 30, գիտությունների դոկտոր – 2, գիտությունների թեկնածու – 9, առանց գիտական աստիճանի – 19, պրոֆեսոր – 1, դոցենտ – 6, առանց գիտական կոչման – 23։
Ամբիոնը թողարկում է հետևյալ մասնագիտությունները․
Բակալավրի կրթական աստիճան՝
- Հոգեբանություն
- Սոցիալական աշխատանք
- Սոցիոլոգիա
Մագիստրոսի կրթական աստիճան՝
- Հոգեբանություն
- Սոցիալական աշխատանք
- Զինվորական հոգեբանություն
Հետազոտողի կրթական աստիճան հոգեբանություն /ասպիրանտուրա, հայցորդություն/՝
Ուսումնական գործընթացին զուգահեռ՝ ամբիոնում իրականացվում են գիտահետազոտական աշխատանքներ
- Մասնագիտական և անձնային աճի շարժընթացը բուհում ուսումնասիրության տարիներին
- Հոգեբանական ծառայությունը բուհական համակարգում
- Էթնոհոգեբանական ուսումնասիրություններ
- Տարեցների հոգեբանական աջակցության հիմնախնդիրները
Վերջին երեք տարիների ընթացքում ամբիոնի դասախոսների կողմից հրատարակվել են 10 մենագրություն, 60-ից ավել հոդվածներ։
Համալսարանական կրթության պայմաններում ամբիոնի արդիականացման առաջնահերթություններից են՝ բուհը դիտել մեկ ամբողջական միավոր, լուծել մեկ ընդհանուր խնդիր՝ նպաստելով ուսանողների անձնային և մասնագիտական կոմպետենցիաների ձևավորմանը, կերտել մարդ-քաղաքացու կերպարը, հայրենիքի՝ այս երկրի քաղաքացու կերպարը, լինել սեփական երկրի, սեփական հայրենիքի, իր քաղաքի ու իր բուհի նվիրյալ։
