Кафедра бизнеса и администрирования

1991թ.-ից ինստիտուտում գործել է քաղաքագիտության և տնտեսագիտության ամբիոնը, որի  հիմնադիր վարիչն է եղել դոցենտ Սերգեյ Բիչախչյանը: Հետագայում իբրև վարիչներ պաշտոնավարել են դոցենտներ Ուրաշիմա Աթյանը, Յուղաբեր Յափունջյանը, Թամարա Սիմոնյանը: 2013թ.ին քաղաքագիտության և տնտեսագիտության համաինստիտուտային ամբիոնի հիմքի վրա ձևավորվեց տնտեսագիտության մասնագիտական ամբիոնը: 2015թվականից ամբիոնի վարիչ է ընտրվել տնտ.գիտ.թեկնածու Արթուր Հովհաննեսի Մկրտչյանը:

2017թվականից ՇՊՀ-ի կառուցվածքային փոփոխություննեիրի հիման վրա ամբիոնը վերանվանվեց Գործարարության և վարչարարության ամբիոն, ինչպես նաև ավելացվեց թողարկվող մասնագիտությունների քանակը: Ներկայումս ամբիոնը ուսումնառություն է կազմակերպում 3 մասնագիտությունների գծով.

• Կառավարում (առկա, հեռակա, մագիստրատուրա)
• Հաշվապահական հաշվառում (առկա, հեռակա)
• Շուկայագիտություն (մարքեթինգ ըստ ոլորտի) (առկա)

Ունեցել ենք 100-ից ավել շրջանավարտներ, ովքեր աշխատում են մարզի տարբեր առևտրային կազմակերպություներում, մասնավորապես բանկերում, ձեռնարկություններում և այլն:

Ամբիոնի առաքելությունը տնտեսագիտության, մենեջմենթի, գործարարության գիտելիքների տարածումն է և տնտեսության տարբեր ոլորտներում ֆունկցիոնալ, կազմակերպական և սոցիալ-աշխատանքային գործընթացներն արդյունավետ կառավարելու ունակ մենեջերների պատրաստումը:

Ամբիոնում աշխատում են  ինչպես բազմամյա փորձ ունեցող վաստակաշատ մասնագետներ, այնպես էլ երիտասարդ  դասախոսներ: Ամբիոնի դասախոսները գիտական հոդվածների, մենագրությունների և բուհական ուսումնամեթոդական ձեռնարկների հեղինակներ են, արտերկրում (ԱՄՆ, ՌԴ) և հանրապետությունում գումարվող գիտաժողովների մասնակիցներ: Ամբիոնը համագործակցում է կրթական ծրագրեր իրականացնող տարբեր միջազգային և հանրապետական կազմակերպությունների հետ` «Եվրասիա» հիմնադրամ, ՀՀ Պատանեկան նվաճումներ,  ԱՄՆ-ի տնտեսագիտական կրթության ազգային խորհուրդ (NCEE), և այլն: Ամբոինի դասախոսների մասնակցությամբ իրականացվել են մի շարք միջազգային ծրագրեր («Եվրասիա» հիմնադրամի ֆինանսավորմամբ` «Քաղաքացիական կրթություն», «Կիրառական տնտեսագիտություն» ուսումնական ծրագրերը, ԱՄՆ-ի տնտեսագիտական կրթության ազգային խորհրդի (NCEE) ֆինանսավորմամբ` տնտեսագիտության դասավանդման հիմնախնդիրներին նվիրված միջազգային ծրագրերը, Tempus –ի ֆինանսավորմամբ «Կայուն տուրիզմի մենեջմենթ (SuToMa)» և այլն):

Ամբիոնի դասախոսների գիտական հետաքրքրությունների շրջանակներում շուկայական տնտեսական հարաբերությունների հաստատման և սոցիալական, իրավական պետության կայացման հիմնահարցերն են:

 Տնտեսագիտության ամբիոնը բացի ուսումնակրթական նպատակներից խնդիր է դնում նաև ուսանողների մոտ զարգացնել ստեղծարար մտածողությունը և բարձրացնել նրանց մոտ մեր իրականության տնտեսական և այլ հիմնախնդիրների նկատմամբ ուշադրությունն ու հոգածությունը: