Ռուսաց լեզվի և գրականության ամբիոն
- Ռուսաց լեզու և գրականություն
- Թարգմանչական գործ՝ ռուսերեն-անգլերեն
Ամբիոնի պատմություն
ՇՊՀ-ի կառուցվածքային փոփոխություններով պայմանավորված՝ նոր տեղեկությունը լրամշակվում է և շուտով կտեղադրվի։
ՇՊՀ-ի կառուցվածքային փոփոխությունների ընթացքում, 2017 թվականին, «Ռուսաց լեզու» և «Արտասահմանյան գրականություն» ամբիոնների միավորման արդյունքում ձևավորվեց «Ռուսաց լեզու և գրականություն» ամբիոնը:
Ամբիոնն ունի գիտական և դասավանդման գործունեության հարուստ պատմություն:
1940-1971թթ. գործել է որպես «Ռուսաց լեզվի, գրականության և օտար լեզուների» ընդհանուր ամբիոն, որը հաջորդաբար ղեկավարել են Մեխակ Հարությունյանը, Ելենա Գրիգորիադին, Արսեն Արուստամյանը, Անահիտ Ամիրյանը, Բելլա Եսաջանյանը, Բորիս Բարտենևը, Նիկոլայ Անաստասովը:
1970 թվականից, որպես ինքնուրույն միավորներ, ձևավորվեցին «Ռուսաց լեզու» և «Արտասահմանյան գրականություն» ամբիոնները, որոնք ղեկավարել են դոցենտներ Էմմա Հովհաննիսյանը, Յուրի Սաֆյանը, պրոֆեսոր Գայանե Ամբարդարյանը, դոցենտներ Մարիա Լևինցովան, Յուրի Սոխրյակովը, Տատյանա Շչեպակովան, Սեդա Ղասաբյանը, Թամարա Մելիքյանը, Էվելինա Մաթևոսյանը:
2017 թվականից «Ռուսաց լեզու և գրականություն» ամբիոնի վարիչն է դոցենտ Էվելինա Մաթևոսյանը:
Ներկայումս ամբիոնը հաջողությամբ շարունակում է լավագույն ավանդույթները: Ամբիոնի գիտական հետաքրքրությունների շրջանակում են լեզվաբանության, գրականագիտության, ռուսաց լեզվի և գրականության դասավանդման մեթոդիկաների, դասագրքերի ստեղծման արդի խնդիրները:
Ամբիոնի գրեթե բոլոր անդամներն ունեն գիտական կոչումներ և աստիճաններ, բազմաթիվ մենագրությունների, հոդվածների և դասագրքերի, ինչպես նաև մեթոդական ձեռնարկների հեղինակներ են: Ամբիոնի անդամներն ակտիվ մասնակցություն են ցուցաբերում հանրապետական և միջազգային գիտաժողովներին՝ դիտարկելով գիտության տարբեր ոլորտների և կրթական համակարգի խնդիրները:
Ամբիոնը համագործակցում է բազմաթիվ բուհերի ամբիոնների, գիտական կենտրոնների և դպրոցների հետ: Ներկայումս ամբիոնն իրականացնում է բակալավրի երկու և մագիստրատուրայի մասնագիտական կրթական ծրագրեր՝ առկա և հեռակա ուսուցմամբ: